Калі вы збіраеце інфармацыю для нейкага даследвання, паўстае пытанне - як захоўваць вэб-дакументы?

Можна захоўваць старонкі сайтаў на хард-дыску або дыскеце. Можна захоўваць толькі спасылкі на іх - рабіць “закладкі” у браузэры (”Bookmarks / Закладкі / Избранное”). Але скарыстацца закладкамі можна будзе толькі з вашага кампутара. А калі трэба працаваць за іншым, дзе няма вашых закладак?

Дапамагчы могуць вэб-сервісы для захоўвання спасылак (”social bookmarking services - сацыяльныя “закладачныя” сервісы”).

Адзін з іх — http://del.icio.us, які дазваляе не проста захоўваць спасылкі, але дадаваць іх апісанне і арганізоўваць па катэгорыях (”тэгах” - tags).

Напрыклад, спасылку на сайт Сусветнай Гандлёвай Арганізацыі (WTO), можна занесці ў такія катэгорыі:

• WTO
• world_trade
• economy

А спасылку на мэмарандум Сусветнага Банка аб эканоміцы Беларусі можна занесці ў катэгорыі:

• World_Bank
• Belarus
• economy
• analysis

Гэта дасць магчымасць праглядаць спасылкі па асобных катэгорыях.

Самае прыемнае: шукаць можна не толькі па сваіх спасылках — але па ўсім масіве закладак, якія захоўваюць усе карыстальнікі del.icio.us. Бо гэта не проста вашая асабістая “капілка спасылак”, а вэб-каталог, які складае кожны з карыстальнікаў.

Шукаць можна па асобных катэгорыях:
del.icio.us/tag/trade
http://del.icio.us/tag/маркетинг

або па спалучэнню катэгорый:
del.icio.us/tag/wto+trade

Таксама, на кожную катэгорыю можна падпісацца па RSS — каб атрымліваць ўсе новыя спасылкі ў гэтай катэгорыі.
Напрыклад: http://del.icio.us/rss/tag/trade

Зарэгістравацца на del.icio.us вельмі проста.

Для нашых студэнтаў мы завялі агульны акаунт: del.icio.us/meo. Калі вы хацелі б дадаць туды некалькі спасылак, звяртайцеся па пароль: admin@gorki-meo.org.

Гл.таксама: Absolutely Del.icio.us - Complete Tool Collection