Блок, мэта якога навучыць будучага эканаміста карыстацца інфармацыйнымі і камунікацыйнымі тэхналогіямі, з’яўляецца часткай навучальнага курса па дысцыпліне “Міжнародныя эканамічныя адносіны” для студэнтаў 3-4 курса.

Курс прадугледжвае лекцыю, некалькі практычных заняткаў з выкладчыкам, індывідуальныя кансультацыі і вялікі аб’ём самастойнай працы.

Праграма курса:

1. Выбар тэмы даследвання (артыкула, эсэ, курсавой працы).

2. Знаёмства з асноўнымі інтэрнэт-крыніцамі эканамічнай інфармацыі:

• лекцыя “Выкарыстанне інфармацыйныя тэхналогіі ў эканамічных даследваннях. Крыніцы эканамічнай інфармацыі.”;
• знаёмства з раздатачным матэр’ялам;
• практычныя заняткі ў інтэрнэт-класе;
• самастойныя заняткі.

3. Вывучэнне метадаў пошуку і адбору найбольш актуальнай і рэлевантнай інфармацыі па тэме.

4. Распрацоўка плана даследвання. Вызначэнне відаў інфармацыі, якая спатрэбіцца ў працэсе даследвання:

• тэарэтычныя, метадалагічныя і аналітычныя даследванні айчынных і замежных аўтараў;
• заканадаўчая база па тэме даследвання;
• статыстычныя дадзеныя.

5. Вылучэнне крытэрыяў адбору рэлевантнай інфармацыі (па часе публікацыі, ступені даверу да першакрыніцы і г.д. ). Вызначэнне ключавых словаў па абранай тэме (тэрміны, якія будуць уводзіцца ў пошукавую сістэму). Фармаванне прыкладных пошукавых запытаў.

6. Выбар асноўных і дадатковых крыніц інфармацыі па абранай тэме.

7. Выбар спосабаў збору інфармацыі:

• праз пошукавыя сістэмы па ключавых словах,
• пошук на абраных сайтах (актуальныя публікацыі + архівы),
• падпіска на e-mail рассылку,
• падпіска на RSS-стужкі.
• пошук па вэб-сэрвісах для арганізацыі спасылак (del.icio.us і інш.).

8. Збор інфармацыі:

• на практычных занятках пад кіраўніцтвам выкладчыка;
• самастойна (пры неабходнасці - з кансультацыяй выкладчыка або калег).

9. Выбар спосабаў захоўвання інфармацыі:

• захоўванне саміх дакументаў на матэрыяльных носьбітах (дыскета, CD).
• захоўванне спасылак на дакументы (“bookmarks”) пры дапамозе інтэрнэт-браузэра або спецыяльных вэб-сэрвісаў для арганізацыі спасылак.
• захоўванне чарнавіка на спецыяльным вэб-сэрвісе для падрыхтоўкі дакументаў (“Writeley” і інш.)

10. Аналіз якасці і рэлевантнасці інфармацыі. Адказ на пытанні:

• наколькі актуальная гэтая інфармацыя?
• наколькі поўная і свежая статыстыка?
• ці з’явіліся папраўкі да гэтага нарматыўна-прававога акта з часу яго публікацыі?
• ці вартая даверу гэтая крыніца інфармацыі?
• гэта першакрыніца, ці інфармацыя была аднекуль перадрукаваная?
• якую інфармацыю даюць альтэрнатыўныя крыніцы?

11. Праца з атрыманай інфармацыяй. Выкананне даследвання і падрыхтоўка публікацыі (артыкула, рэферата, курсавой працы). Калі публікацыя мае вялікі аб’ём – падрыхтоўка яе рэферата або рэзюмэ.

12. Знаёмства з аўтаматызаванай сістэмай вэб-публікацый - “блогам”. (Вучэбны блог на базе сістэмы “WordPress” размешчаны па адрасе http://gorki-meo.org/blog )

13. Знаёмства з асноўнымі правіламі афармлення артыкула — з улікам спецыфікі вэб-асяроддзя і патрабаванняў чытача. (Правільны падзел тэксту на абзацы, выдзяленне ключавых момантаў, афармленне спісаў і табліц, ілюстрацыі, спасылкі на крыніцы дадатковай інфармацыі.)

14. Публікацыя свайго артыкула (рэферата).

15. Удзел у абмеркаванні публікацый сваіх калег. Адказ на заўвагі адносна сваёй публікацыі. (Падпіска на каментарыі праз e-mail або RSS).